Ja, das isch lang här, sit d Feusenou es läbigs Quartier isch gsy und me aues für e täglech Gebruch fasch vor der Huustür het chönne chouffe. Viu isch passiert i dene Jahre, Schöns und Wüeschts, Glücklechs und Truurigs, Luschtigs und . . .
Aber das wüsset dir ja säuber o, wie das so geit.
I bi i der «Feuse» ufgwachse und bim zrügg luege dünkts mi, d Zyt sig nume so dervogrennt. Und wenn i de ab und zue mau dert verby fahre, gö mir ganz viu Erinnerige dür e Chopf. Und es paar vo dene hani jitz ufgschribe!