yah jeevanee sabr aur mehanat ka imtihaan lene se judee huee hai. dhairy aur mehanat premachand solankee ko bhagavaan jee se mila hua varadaan hai. zindagee har mod par inase imtihaan letee rahee. lekin inhonne kabhee haar nahin maanee. ek din prem jee, apane aap par hansane lage. zindagee ke utaar-chadhaoo ke baare mein sochane lage. man hee man mein sochane lage ki, "zindagee vaakee mein ek sinema kee tarah hai. kab, kis vakt, kis mod par, kya ho jae, koee nahin jaanata. 50 rupayon se kamaate hue 1, 000 rupayon tak kamaane laga, phir hazaar-hazaar badhaate hue 20, 000 rupayon kee tanakhvaah lene laga, usake baad seedhe 36, 000 rupayon tak pahunch gaya, phir achaanak naukaree kee talaash mein maara-maara phirana pada, logon ke taane sunane pade, aise mein phir se naukaree kee shuruaat kee aur 3, 000 rupayon kee tanakhvaah lene laga hoon. vaah re kismat! kya kamaal kee rachana rachee hai meree zindagee ke saphar kee.