Ang aklat na ito ay naglalaman ng mga tula at prosa na isinulat sa mga nagdaang panahon, habang nasa puso ang mga araw na patuloy na tinatanaw. Dala ang pag-ibig, at pag-asa, ito ay nakalaan sa mga taong hindi tumitigil na ilathala ang kanilang mga kuwento, handang ipakinig, handang ipasilip. Para sa mga taong nalugmok ngunit bumangon, nadurog ngunit bumuo ng mas matibay na haligi, pundasyon at nagmistulang sariling tahanan. Sa paraang ito, ang mga salita ay magsisilbing simula, ang yugto at daan upang kumawala sa bawat siphayong nararamdaman.